Брайан Сарагоса "Реал" сингари жамоаларга қарши ўйнашни ёқтиришини айтди.
"Осасуна" Ла Лиганинг 24-тури доирасида шанба куни мадридликларни қабул қилади.
"Ҳамма жаҳон даражасидаги футболчиларга қарши ўйнашни истайди, бу барчага манзур келади. Мен улар билан ўйнашни яхши кўраман, биз доимо уларга ҳавас билан қараймиз, чунки улар энг зўрлари.
"Реал"да ажойиб ўйинчилар кўп, аммо ҳозирги кунда Винисиусни намуна қилиб кўрсатган бўлардим. Унинг ўйин услуби менга ёқади, ундан ўрнак оламан. Мен ундан нимадир ўрганишга ҳаракат қиламан - мен унга ўхшамасам-да, менинг ўйиним кўп жиҳатдан Винисиус қиладиган ишларига асосланган.
Мбаппе ҳақида ҳам шундай дейишим мумкин, бу иккиси буюк футболчилар, гарчи ўйин услубим бўйича кўпроқ Винисиусга ўхшаш бўлсам-да," - дея таъкидлади "Осасуна" вингери.
