"Ювентус"нинг собиқ ярим ҳимоячиси Поль Погба А Сериянинг бошқа жамоасига ўтиши мумкин эди.
31 ёшли футболчига "Фиорентина" қизиқиш билдираётган эди. Corriere dello Sport нашри тарқатган хабарга кўра томонлар бир неча учрашув ўтказишган, аммо якунда "бинафшаранглилар" хавбекнинг жисмоний ҳолатига шубҳа билан қараб, у билан шартнома имзолашдан бош тортишган.
Эслатиб ўтамиз, "Ювентус" ўтган йилнинг охирида Поль Погба билан шартномани бекор қилган эди. Айни дамда француз допинг тестидан ўта олмагани учун дисквалификацияни ўташда давом этмоқда, бироқ март ойидаёқ у майдонга қайтиши мумкин.
