"Арсенал" футболчиси Леандро Троссард клуб билан янги шартнома имзолашга тайёргарлик кўрмоқда.
Бельгияликнинг "канонирлар" билан амалдаги шартномаси 2026 йилнинг ўрталарида тугайди, аммо тез орада узайтирилиши мумкин. Football Transfers хабарига кўра, томонлар битимнинг деярли барча шартларини келишиб олган.
Леандро Троссард 2023 йилнинг январида "Брайтон"дан "Арсенал"га ўтган эди. 30 ёшли футболчи жорий мавсумда Микель Артета жамоаси сафида барча мусобақаларда 36 та баҳсда 5 та гол ва 6 та ассистни ўз ҳисобига ёздириб қўйди.













