Дортмунднинг “Боруссия” клуби ҳужумчиси Карим Адейеми Германияни Италияга алмаштириши мумкин. Немис футболчисига Туриннинг "Ювентус" клуби қизиқиш билдирмоқда, дея хабар беради Todofichajes.
Ўз навбатида, "бамбллар" 23 ёшли футболчи учун 45 миллион евро таклиф қилса, ундан хайрлашишга тайёр. Каримнинг "Боруссия" билан шартномаси 2027 йилнинг ёзида якунига етади.
Германия чемпионатининг жорий мавсумида Адейеми “Боруссия”нинг 12 та учрашувида қатнашган. Ҳужумчи иккита гол урди ва учта голли узатмани амалга оширди.
