"Вольфсбург" форварди Муҳаммад Амура Англия Премьер-лигаси грандлари радарига тушиб қолди.

Жазоирлик футболчи "бўрилар" томонидан Бельгиянинг "Юнион Сент-Жиллуаз" клубидан ижарага олинган, аммо келаси ёзда 15 млн еврога сотиб олиниши кафолатланган. Катта эҳтимол билан, футболчи "Вольфсбург"да узоқ қолмайди: "Bild" хабарига кўра, Англиянинг "Арсенал" ва "Ливерпуль" клублари 24 ёшли ҳужумчини яқинлашиб келаётган трансферлар даврида ўз сафига қўшиб олишни кўриб чиқмоқда, шунингдек, даъвогарлар орасида Франкфуртнинг "Айнтрахт" клуби ҳам бор. Потенциал битим қиймати - 40 млн евро.

Муҳаммад Амура Бундеслиганинг жорий мавсумида 19 та ўйинда 8 та гол ва шунча ассистни ўз ҳисобига ёздириб қўйди.