"Реал Мадрид" ҳакамлик тизимини яхшилаш режасини тақдим қилмоқчи.
Бу ҳақда испаниялик журналист Ману Каррено хабар берди.
Олдинроқ мадридликлар Испания Қироллик футбол федерациясига Ла Лига доирасидаги "Эспаньол"га (0:1) қарши ўйиндаги ҳакамлик устидан расман шикоят қилган, испаниялик ҳакамлар тизимини тўлиқ қайта кўриб чиқишга чақирган ва ҳакамларни "клубга қайта-қайта зарар етказишда" айблаган эди.
Мадрид клуби ҳакамлик тизимини такомиллаштириш режасини тақдим этмоқчи, бунда асосий эътибор ВАР ишидаги шаффофлик ва хатоларни тан олишга қаратилган.
