Германия терма жамоаси бош мураббийи Юлиан Нагельсманн "Арсенал" ҳужумчиси Кай Хаверцнинг жароҳати ҳақида гапирди.
Германиялик футболчи "канонирлар"нинг Дубайдаги йиғинида тизза ости пайидан олган жароҳати туфайли ёзгача сафдан чиқди. Ўйинчига операция керак бўлади.
"Биз Кайга муваффақиятли операция ва тезроқ соғайиб кетишини тилаймиз. Унинг жароҳати жуда қайғули хабар, бу жамоамиз учун жиддий йўқотиш. Биз уни тикланиш даврида қўллаб-қувватлаймиз," - дея Нагельсманнинг сўзларини келтиради "Bayern & Germany".
Германия терма жамоаси Миллатлар лигаси чорак финалида Италия билан ўйнайди. Ўйинлар 20 ва 23 март кунлари бўлиб ўтади.













