"Ювентус" марказий ҳимоячиси Федерико Гатти Англияга кўчиб ўтишдан бош тортди.
Сўнгги ҳафталарда 26 ёшли футболчига "Ноттингем Форест" қизиқиш билдираётган эди, бироқ италиялик футболчи "ўрмончилар" билан музокаралар олиб боришни истамади - у Турин клубида узоқ вақт қолмоқчи, деб ёзади журналист Николо Скира. "Кекса синьора" раҳбарияти футболчи билан шартномани узайтириш устида ишлашда давом этмоқда.
Федерико Гатти жорий мавсум "Ювентус" сафида жами 32 та ўйинда майдонга тушди ва ўз ҳисобига 1 та гол ҳамда 2 та голли узатма ёздириб қўйишга эришди.
