Ўзбекистон футбол ҳакамлар маркази мутахассислари янги мавсум олдидан режа асосида Суперлига ва Пролига жамоалари, жумладан «Машъал», «Нефтчи» ва бошқа клубларга босқичма-босқич, замонавий ҳакамлик қоидаларини тушунтиришда давом этмоқда.
Мазкур учрашувлар давомида ўтган мавсумда юзага келган баҳсли ҳолатлар видеороликлар орқали таҳлил қилиниб, футболчиларга зарурий маълумотлар етказилмоқда. Шу билан бирга, мураббийлар ва жамоа вакиллари билан мулоқот ўтказилиб, уларнинг саволларига мутахассислар томонидан батафсил жавоб берилди.
Шунингдек, «Сурхон» жамоасининг уй стадионига ВАР техникаси ўрнатилиб, унинг ишлаш механизми бўйича ҳакамлар ва клуб вакилларига махсуслар томонидан тушунтиришлар берилди. Бу эса мавсум давомида баҳсли вазиятларни янада адолатли ҳал этишга хизмат қилади.













