"Манчестер Сити" дарвозабони Эдерсон ўз жамоадоши, ўзбекистонлик ҳимоячи Абдуқодир Ҳусановнинг Англия чемпионати доирасидаги "Ньюкасл"га қарши ўйини (4:0) ҳақида фикр билдирди.
"Бугун у жуда ва жуда яхши ўйнади, айниқса унинг ёшлигини, инглиз тилида гапиролмаслигини ва рус тилида мулоқот қилишини инобатга олсак. У учун алоқа қилиш қийин. Лекин у ҳаракат қиляпти, инглиз тили дарсларига қатнаяпти, бизни тинглаяпти ва мен у учун жуда хурсандман, — деди Эдерсон ўйиндан сўнг.
Эдерсоннинг ўзи эса "Ньюкасл"га қарши учрашувда голли узатма амалга ошириб, Англия Премьер-Лигасида дарвозабонлар орасида энг кўп ассист берган футболчи сифатида рекорд ўрнатди — унинг карьерасидаги ассистлари сони олтитага етди.