"Ювентус" қишки трансфер ойнасида "Барселона"нинг марказий ҳимоячиси Рональд Араухони сотиб олишга ҳаракат қилди.
Турин клуби уругвайлик футболчини январь ойида асосий мақсадларидан бири сифатида белгилади, бироқ у қолишни ва "Барса" билан шартномасини 2031 йилгача узайтиришни танлади.
Журналист Маттео Мореттонинг ёзишича, “Ювентус” 25 ёшли марказий ҳимоячи учун 50 миллион евро ва 10 миллион бонус тўлашга тайёр эди.
Машҳур Transfermarkt портали экспертлари Рональд Араухонинг нархини 55 миллион еврога баҳоламоқда.
Жорий мавсумда футболчи Ханс-Дитер Флик жамоасида саккизта ўйин ўтказиб, битта гол урди ва голли узатмани амалга оширди.
Футболчи жароҳати туфайли мавсумнинг биринчи ярмини ўтказиб юборди.
