Мюнхеннинг «Бавария» клубининг эндиликда собиқ бош мураббийи Юпп Хайнкес бу йилги «Олтин тўп» соврини «Бавария» футболчиларидан бирига насиб этиши кераклигини айтиб ўтди, дея хабар бермоқда немис матбуоти.
Хайнкес бу унвонни қўлга киритишга ҳақли деб ҳисоблаган тўрт нафар футболчи номини келтириб ўтди. Булар: Флипп Лам, Бастиан Швайнштайгер, Франк Рибери ва Томас Мюллер.
«Мен мана шу футболчилардан бири совринни эгаллаши керак, деб ҳисоблайман. Айнан улар мен учун ушбу совринга асосий номзоддирлар», дейди Хайнкес.
Эслатиб ўтамиз, Хайнкес бошчилигидаги «Бавария» клуби 2012/2013 йилги мавсумда барча фронтда ўз устунлигини намойиш этиб требл қайд қилди.