"Бавария"нинг ҳужумкор ярим ҳимоячиси Жамол Мусиала яқин келажакда "Барселона" либосини кийиши даргумон.
Куни кеча 21 ёшли футболчи "Бавария" билан 2030 йилнинг ярмигача мўлжалланган янги шартнома имзолади. Каталония гранди ёш германиялик юлдуз учун даъвогарлар қаторида эди, бироқ энди у трансфернинг имконсизлигига узил-кесил рози бўлишга мажбур. «Relevo» хабарига кўра, "Барселона" Мусиала билан шартнома имзолаш ғоясидан воз кечган - у энди мақсад эмас.
Жамол Мусиаланинг трансфер нархи, «Transfermarkt» портали экспертлари талқинига кўра, 140 млн еврони ташкил этади.
