Украина терма жамоаси ва Лондоннинг "Арсенал" клуби ҳимоячиси Александр Зинченко Испания чемпионатига кўчиб ўтиш имкониятига эга. Бу ҳақда Esto es Atleti журналистлари хабар бермоқда.
Манбага кўра, ҳимоячига Мадриднинг "Атлетико" клуби қизиқиш билдирмоқда. Испания топ-клуби раҳбарияти ёзги трансфер ойнасида Зинченконинг трансферини расмийлаштирмоқчи. "Матрасчилар" украиналик учун 20 миллион евро тўлашга тайёр.
Жорий мавсумда Александр лондонликлар сафида 13 та ўйинда гол ура олмади. 28 ёшли ҳимоячининг "Арсенал" билан шартномаси 2026 йилнинг ёзида якунига етади.
