"Ювентус" Лондоннинг "Челси" клубидан ҳимоячи Ренату Вейгани тўлиқ сотиб олиши мумкин.
21 ёшли футболчи январь ойи охирида "бьянконерилар" сафига қўшилганди. Туринликлар ижара шартномасига сотиб олиш вариантини киритмаган, чунки "Челси" футболчини сотишни истамаган, аммо тез орада бу масала яна кўтарилади. Журналист Николо Скиранинг ёзишича, "Ювентус" португалияликнинг ўйинларидан мамнун ва уни ўз сафида олиб қолишни истамоқда. Музокаралар яқин ҳафталарда бошланади.
Ренату Вейга "кекса синьора" сафида тўртта ўйинда майдонга тушди - тўртта ҳолатда ҳам у асосий таркибда майдонга тушди ва жамоага ғалаба қозонишга ёрдам берди.
