"Yuventus" Londonning "Chelsi" klubidan himoyachi Renatu Veygani to‘liq sotib olishi mumkin.

21 yoshli futbolchi yanvar oyi oxirida "byankonerilar" safiga qo‘shilgandi. Turinliklar ijara shartnomasiga sotib olish variantini kiritmagan, chunki "Chelsi" futbolchini sotishni istamagan, ammo tez orada bu masala yana ko‘tariladi. Jurnalist Nikolo Skiraning yozishicha, "Yuventus" portugaliyalikning o‘yinlaridan mamnun va uni o‘z safida olib qolishni istamoqda. Muzokaralar yaqin haftalarda boshlanadi.

Renatu Veyga "keksa sinyora" safida to‘rtta o‘yinda maydonga tushdi - to‘rtta holatda ham u asosiy tarkibda maydonga tushdi va jamoaga g‘alaba qozonishga yordam berdi.