"Ньюкасл" ҳужумчиси Александр Исак ёзги трансфер ойнасида клубини ўзгартириши мумкин, деб хабар беради The Telegraph.
Манбага маълум бўлишича, Англия клуби швециялик ҳужумчини мавсум якунида УEФА Чемпионлар лигаси йўлланмасини қўлга кирита олмаса, сотиши мумкин.
Исак учун даъвогарлар қаторида қуйидаги клублар борлиги айтилмоқда: "Арсенал", "Челси", "Ливерпуль" ва "Барселона".
25 ёшли ҳужумчи жорий мавсумда 29 та ўйинда майдонга тушди. Александр 19 та гол урди ва 5 та голли узатмани амалга оширди.













