Фабио Капелло "Ювентус"нинг "Интер"га қарши А Сериядаги ўйинини юқори баҳолади.
Туринликлар Италия чемпионатининг 25-турида миланликларни мағлуб этишди (1:0).
"Бу худди Чемпионлар лигаси ўйинидек бўлди. Ҳақиқатан ҳам чиройли ўйин, юқори темпда, тўғри динамикага эга, ҳар доим вертикал ва тезкор. Бунинг учун ҳар икки жамоанинг шарафи бор, лекин шахсан мен ҳакам Маурицио Марианининг ёндашувини юқори баҳоладим, у ўйинни ҳар икки дақиқада тўхтатмасдан давом эттиришга имкон берди.
Ўйлашимча, "Ювентус" биринчи 45 дақиқада Италиянинг амалдаги чемпионидан бироз қўрқди. Индзаги шогирдларида кўплаб имкониятлар бўлди. Дюмфрис устунга зарба берди, Лаутаро камида бир-иккита аниқ имкониятни бой берди. Ўйин "Интер"ни қўлида эди ва бу устунликдан фойдаланмаслик учун жавобгарликни ўз зиммасига олиши керак", деди "Ювентус"нинг собиқ бош мураббийи.
