Германия терма жамоасининг собиқ ярим ҳимоячиси Месут Ўзил 2010 йилда «Вердер»дан «Реал»га трансфер қилинишидан олдин уни қайси клублар таклиф қилганини маълум қилди.

«2010 йилда мени «ПСЖ» ва «Бавария» ўз таркибига қўшиб олмоқчи эди. Арсен Венгер шахсан мен билан учрашди, лекин мен унга «Реал»ни танлаганимни айтдим. Шунга қарамай, биз кейинчалик яна учрашдик», – деб Ўзилнинг сўзларини келтиради Fanatik.  

Ўзилнинг «Реал»даги фаолияти
Месут Ўзил 2010 йил август ойида «Вердер»дан Мадриднинг «Реал» клубига ўтган. У «қироллик клуби» сафида 159 ўйинда қатнашиб, 27 гол ва 81 ассист қилган.  

Шунингдек, Ўзил ўз карьераси давомида «Шальке», «Арсенал», «Фенербахче» ва «Истанбул Башакшехир» жамоаларида ҳам тўп тепган.