Бельгиялик ярим ҳимоячи Шарль де Кетеларе Англиянинг яна бир топ-клуби қизиқишлари доирасига тушиб қолди. Бу ҳақда Teamtalk журналистлари хабар бермоқда.
Манбанинг маълум қилишича, 23 ёшли футболчини "Манчестер Юнайтед" ўз сафига қўшиб олмоқчи. "Қизил иблислар" бельгиялик футболчи учун Англиянинг бошқа бир топ клуби - "Манчестер Сити" билан кураш олиб бормоқчи. Ярим ҳимоячи учун кураш ёзги трансферлар ойнасида авж олади.
2024/2025 йилги мавсумда де Кетеларе 37 та ўйин ўтказиб, 11 та гол урган ва 11 та голли узатмани амалга оширган.













