Ҳуқуқлари "Челси"га тегишли бўлган ҳужумчи Жоау Феликс "Милан"га эмас, "Интер"га ўтиши мумкин эди.
Қишки трансферлар ойнаси ёпилиши олдидан "россонерилар" португалияликни жорий мавсум якунига қадар ижарага олди.
Инсайдер Фабрицио Романонинг маълум қилишича, ҳужумчи Миланнинг бошқа бир гранди - "Интер" сафини тўлдириши ҳам мумкин эди. "Нерадзуррилар" 25 ёшли футболчини ўз сафига қўшиб ололмади, чунки Марко Арнаутович ва Хоакин Корреа жамоада қолди - трансфер улардан бири билан хайрлашган тақдирдагина амалга ошиши мумкин эди. Худди шу сабабга кўра, "ПСЖ"дан Марко Асенсионинг трансфери ҳам ўхшамади.













