"Бенфика" бош мураббийи Бруно Лаже Чемпионлар лигаси плей-офф босқичи жавоб учрашувида "Монако" билан дуранг (3:3) ҳақида фикр билдирди. Португалия терма жамоаси 1/8 финалга йўл олди ва у ерда "Барселона" ёки "Ливерпуль" билан ўйнайди.
"Ўйиннинг бошланиши мувозанатли ўтди ва биз ҳақли равишда устунликни қўлга олдик. Аммо улар ҳисобни тенглаштиришгач, биз жуда кўп қийин дамларни бошдан кечиришимизга тўғри келди.
Ҳисоб 2:1 “Монако” фойдасига ҳал бўлгач, ўзгаришлар вақти келди. Жамоа муносиб жавоб қайтарди, мухлислар бизни қўллаб-қувватлашди. Жамоа бошқача ўйин кўрсата бошлагани кўп жиҳатдан уларнинг шарафигадир. У рақибга бошқача босим ўтказа бошлади ва иккита гол урди. 1/8 финалга чиққанимиз жуда муҳим. Бу муҳим лаҳза, лекин биз ушбу турнирда имкон қадар узоққа боришни истаймиз", - дея Лаже сўзларини келтиради УEФА матбуот хизмати.
