Каталониянинг «Барселона» клуби янги ҳужмчи Неймар трансфери учун 57 миллион евро сарфлади. Бу ҳақда вице-президент Хосеп Бартомеу клуб расмий сайтига баёнот берди.
Расмий сайтда ёзилишича, Неймарнинг клубдан шартномасини муддатидан олдин бузиб олиб кетши нархи 190 миллион евро қилиб кўрсатилган. Қўшимча қилиб ўтиш жоиз, трансфер келишувига боғлиқ «Барселона» «Сантос» билан иккита ўртоқлик учрашуви ўтказиши лозим бўлади.
Бугун футболчи шартнома имзолагандан кейин «Камп Ноу»да мухлислар олдида расман таништирилди. Минглаб мухлислар Неймарни «Барселона» либосида кутиб олишди.
