"Милан"нинг собиқ ярим ҳимоячиси Марк ван Боммел "россонери"нинг португалиялик ҳужумчиси Рафаэль Леау ҳақида фикр билдирди.
"У ажойиб футболчи. У тезкор, жисмонан кучли. Менимча, унинг ўзи ҳам қанчалик кучли эканлигини тўлиқ англаб етмайди. Аввало, у изчилликни топиши керак: у буни ўзига қийинчилик деб билади. Кейин эса, мураббий айтганидек, ҳимояга қайтиши керак.
Биласизми, у менга кимни эслатади? "Бавария"да бирга ўйнаган Роббен ва Риберини. Аввалига улар ҳимояда унчалик иштирок этмадилар, аммо ёрдам бера бошлаганларида, бу жамоа енгиб бўлмас бўлиб қолди. Улар рақобатбардош тажовузкорликни ўз сифати билан уйғунлаштирди", - дея ван Боммел сўзларини келтиради Milan News.
