Лондоннинг «Челси» клуби янги бош мураббийи Жозе Моуриньо бўлажак Европа суперкубоги борасида ўз фикрларини билдириб ўтди.
«Европа суперкубои Моуриньо - Гвардиола баҳси эмас, балки «Бавария» ва «Челси» қарама -қаршилиги бўлади. Жамоаларнинг бу босқичга етиб келишида Моуриньо ҳам, Гвардиола ҳам ҳеч қандай ишни амалга оширишмаган. Бу ишни футболчилар ва собиқ мураббийлар уддалашган».
«Мен шунчаки, бу учрашувда шогирдларимга янги совринни қўлга киритишларида ёрдам бераман — бошқа ҳеч нарса. Бу учрашув бизнинг бутун мавсумдаги мақсадларимизда муҳим ролни ўйнамайди».
«Биз мавсумолди тайёргарликни бошлашимиз ва иложи борича кўпроқ ишлашимиз керак. Бизда бу тайёргарликларни олиб бориш учун аниқ манзил бор. Америка ва Осиёга ташриф бунда муҳим ижтимоий нуқта бўлиб хизмат қилади», дейди Моуриньо клуб расмий сайтига берган интервьюсида.