Килиан Мбаппе "Манчестер Сити"га қарши ўйинда хет-трик қайд этиб, жорий Чемпионлар лигасининг энг яхши тўпурарлари бешлигига кирди.

Франциялик футболчи жавоб ўйинида “Реал”га ғалаба келтирди (3:1), хет-трик қайд этди. Учрашувда “қаймоқранглилар” умумий 6:3 ҳисобида зафар қучди.

Мбаппенинг ҳисобида энди турнирда еттита гол бор ва у тўпурарлар пойгасида бешинчи ўринга кўтарилди.

Рейтингни Дортмунднинг “Боруссия” клуби футболчиси Серу Гирасси (10), иккинчи ўринни “Барселона” футболчиси Роберт Левандовски (9), учинчи ўринни эса саккизтадан гол билан “Барселона” ҳужумчиси Рафинья Диас ва “Манчестер Сити” ҳужумчиси Эрлинг Холанд бўлишиб турибди.

Винисиус Жуниор, Вангелис Павлидис ва Харри Кейн Килиан билан бир хил 7 та гол уришга муваффақ бўлишган.