“Милан” ва Франция терма жамоаси ҳимоячиси Тео Эрнандес Италия А Сериясини Англия Премьер-лигасига алмаштириши мумкин. Бу ҳақда Todofichajes портали хабар бермоқда.

Журналистларнинг ёзишича, 27 ёшли ҳимоячининг трансферига “Манчестер Юнайтед” қизиқмоқда. “Россонерлар” франциялик футболчини ёзги трансфер ойнасида 50 миллион евро эвазига қўйиб юбориши мумкин.

Эрнандеснинг италияликлар билан амалдаги шартномаси 2026 йилнинг июн ойи охирида тугайди. Италия чемпионатининг жорий мавсумида ҳимоячи 21 та ўйин ўтказиб, 3 та гол урди ва 2 та голли узатмани амалга оширди.