"Реал" ярим ҳимоячиси Жуд Беллингем Испания чемпионатида дисквалификация муддатини тўлиқ ўтайдиган бўлди. Испания матбуоти бир овоздан хабар беришича, апелляция қўмитаси Мадрид клуби аризасини рад этган, шу боис Беллингем икки ўйинни ўтказиб юборади. Аввалроқ инглизга худди шундай дисквалификация муддати тайинланганди.
Жуд Беллингем Ла Лиганинг "Жирона" (23 февраль) ва "Бетис" (2 март) билан ўйинларида "Реал"га ёрдам бермайди.
Эслатиб ўтамиз, "Осасуна"га қарши кечган ўйинда Беллингем ҳақоратли сўзлар учун қизил карточка олган эди. "Реал" ва футболчининг таъкидлашича, ҳакам шунчаки ибора контекстини нотўғри талқин қилган.
