"Манчестер Юнайтед" келаси ёзда ҳужумчи Виктор Осимхенни ўз сафига қўшиб олишга яна бир бор уриниб кўради.
Нигериялик футболчи "Наполи"га тегишли, аммо жорий мавсумни "Галатасарой"да ижарада ўтказмоқда. Журналист Дин Жонснинг маълум қилишича, "Манчестер Юнайтед" Осимхенни ёзги трансферлар ойнасидаги устувор мақсад сифатида белгилаган. "Қизил иблислар" раҳбарияти футболчини маошини қисқартиришга кўндирмоқчи. Айни пайтда форвард ҳафтасига 250 минг фунт (тахминан 300 минг евро) маош олмоқда.
Виктор Осимхенга Лондоннинг "Челси" ва "Арсенал" клублари ҳам қизиқиш билдирган. 26 ёшли футболчининг нархи 75 млн еврога баҳоланмоқда.
