"Валенсия" марказий ҳимоячиси Кристиан Москера фаолиятини Испания суперклубида давом эттириши мумкин. Todofichajes портали хабарига кўра, 20 ёшли футболчининг хизматларига Мадриднинг "Реал" клуби қизиқиш билдирмоқда.

Журналистларнинг фикрича, “қироллик” клуби ёзги трансфер ойнасида футболчини ўз сафига қўшиб олишга уриниб кўриши мумкин.

Москеранинг бозор қиймати 30 миллион еврога баҳоланмоқда ва унинг “кўршапалаклар” билан шартномаси 2026 йилнинг июн ойи охиригача амал қилади.

Испания чемпионатининг жорий мавсумида Кристиан 23 учрашувда майдонга тушди. Ҳимоячи битта гол урди ва бешта сариқ карточка олди.