"Барселона" келаси ёзда "Ливерпуль" қанот ҳужумчиси Луис Диасни қўлга киритишга янада кўпроқ қизиқиш билдира бошлади, каталонияликлар маошлар лимитини кенгайтиришга эришди. Бу ҳақда «AS» хабар бермоқда.
Манбага кўра, "кўк-анорранглилар"нинг иш ҳақи фонди 37 млн еврога оширилган ва ҳозирда 463, 642 млн еврони ташкил қилмоқда. Бу эса "Барселона"га трансфер бозорида эркинроқ ҳаракат қилиш имконини беради. Шу билан бирга, испан грандининг ёзги устувор мақсади 28 ёшли Луис Диас бўлиб қолмоқда.
Диас жорий мавсум барча мусобақаларда 36 та ўйинда майдонга тушиб, 13 та гол ва 3 та ассистни ўз ҳисобига ёздириб қўйди.
