"Barselona" kelasi yozda "Liverpul" qanot hujumchisi Luis Diasni qo‘lga kiritishga yanada ko‘proq qiziqish bildira boshladi, kataloniyaliklar maoshlar limitini kengaytirishga erishdi. Bu haqda «AS» xabar bermoqda.

Manbaga ko‘ra, "ko‘k-anorranglilar"ning ish haqi fondi 37 mln yevroga oshirilgan va hozirda 463, 642 mln yevroni tashkil qilmoqda. Bu esa "Barselona"ga transfer bozorida erkinroq harakat qilish imkonini beradi. Shu bilan birga, ispan grandining yozgi ustuvor maqsadi 28 yoshli Luis Dias bo‘lib qolmoqda.

Dias joriy mavsum barcha musobaqalarda 36 ta o‘yinda maydonga tushib, 13 ta gol va 3 ta assistni o‘z hisobiga yozdirib qo‘ydi.