"Реал Мадрид" ҳали ҳам ҳимоянинг чап томонига сифатли ўйинчи сотиб олиш вариантини кўриб чиқмоқда.
Мадридликлар узоқ вақтдан бери Альфонсо Дэвис билан боғланган эди, аммо канадалик футболчи "Бавария" билан шартномасини узайтирди.
Fichajes портали хабарига кўра, "Реал Мадрид" эндиликда "Милан" аъзоси Тео Эрнандесни кўзламоқда. Ўз вақтида француз мадридликлар сафида ўйнаган, бироқ ўшанда у жамоада ўзини тўлиқ кўрсата олмаганди.
Манбага кўра, Эрнандес "Лос-Бланкос"га қайтишини осонлаштиришга тайёр. Қўшимча қилиб ўтамиз, нуфузли Transfermarkt портали экспертлари 27 ёшли Тео Эрнандесни 50 миллион еврога баҳоламоқда.
