Ўзбекистон футбол ассоциацияси Ҳакамлар маркази томонидан Туркияда бош ва ёрдамчи ҳакамлар учун ўқув-машғулот йиғини ташкил этилган.
Машғулотлар давомида бош ҳакамлар ва ёрдамчи ҳакамлар назарий ҳамда амалий машғулотларда иштирок этиб, тажрибали мутахассислар – Фарҳод Абдуллаев, Владислав Сейтлин ва Бахтиёр Намозов раҳбарлигида малакаларини оширмоқдалар.
Мазкур йиғиннинг асосий мақсади – 2025 йилги Суперлига ва Ўзбекистон кубоги учрашувларида ҳакамларнинг янада самарали ва сифатли бошқарувини таъминлашдан иборат.
Йиғин доирасида ҳакамларимиз Қозоғистон, Қирғиз Республикаси, Руминия, Молдова ва Россия жамоалари иштирокидаги халқаро ўртоқлик учрашувларини бошқариб боришмоқда.
