Андони Ираола "Реал Мадрид"нинг қизиқишлари ҳақидаги миш-мишларга изоҳ бермади.
42 ёшли испаниялик мураббий қўл остида "Борнмут" сўнгги 13 ўйинда фақат битта мағлубиятга учради - чемпионат пешқадами "Ливерпул"дан. Жамоа жорий мавсумда Чемпионлар лигаси йўлланмаси учун кураш олиб бормоқда ва турнир жадвалида 5-ўринни эгаллаб турибди.
Инглиз матбуоти хабарига кўра, Ираоланинг инглиз клубидаги фаолияти "Реал Мадрид" эътиборини тортган. Агар Карло Анчелотти ёзда кетса, "Реал Мадрид" Ираолани номзодлар рўйхатига киритиши ҳақида аввалроқ хабар берилган эди.
"Мен миш-мишларга аҳамият бермайман. Мен бу бизнесда кўп йиллардан бери футболчи ва мураббий сифатида ишлаганман ва бу нарсалар қандай ишлашини, нима муҳим ва нима муҳим эмаслигини биламан" - деди Ираола.
Мураббийнинг “Борнмут” билан шартномаси 2026 йилда якунига етади.
