Хитойда 20 ёшгача бўлган футболчилар ўртасида ўтаётган Осиё кубогида чорак финал учрашувларининг дастлабкиси якунланди.
Унда Саудия Арабистони ва Хитой терма жамоалари ўзаро рақобатлашди. Кескин ва муросасиз ўтган ушбу ўйинда Ал Юҳайби 90+5-дақиқада гол уриб, Саудия Арабистони термасининг ғалабасини таъминлади.
Шу тариқа Саудия Арабистони ярим финал йўлланмасини қўлга киритиб, Чилида ўтказиладиган жаҳон чемпионатида иштирок этиш ҳуқуқига эга бўлди.
Энди ушбу жамоа ярим финалда Ўзбекистон — Корея Республикаси жуфтлиги ғолиби билан рақобатлашади.
Бу баҳс бугун, 23 февраль куни бўлиб ўтади.
