Xitoyda 20 yoshgacha bo‘lgan futbolchilar o‘rtasida o‘tayotgan Osiyo kubogida chorak final uchrashuvlarining dastlabkisi yakunlandi.
Unda Saudiya Arabistoni va Xitoy terma jamoalari o‘zaro raqobatlashdi. Keskin va murosasiz o‘tgan ushbu o‘yinda Al Yuhaybi 90+5-daqiqada gol urib, Saudiya Arabistoni termasining g‘alabasini ta’minladi.
Shu tariqa Saudiya Arabistoni yarim final yo‘llanmasini qo‘lga kiritib, Chilida o‘tkaziladigan jahon chempionatida ishtirok etish huquqiga ega bo‘ldi.
Endi ushbu jamoa yarim finalda O‘zbekiston — Koreya Respublikasi juftligi g‘olibi bilan raqobatlashadi.
Bu bahs bugun, 23 fevral kuni bo‘lib o‘tadi.
