Лондоннинг "Челси" клуби бош мураббийи Энцо Мареска "Астон Вилла"га қарши ўйин натижалари ҳақида ўз фикрларини билдириб ўтди.
Кеча, 22-февраль куни Англия чемпионатининг 26-туридан ўрин олган учрашув бўлиб ўтди ва у Бирмингем клубининг 2:1 ҳисобидаги ғалабаси билан якунланди.
“Кўклар”нинг ягона голига Энцо Фернандес муаллифлик қилган бўлса, мезбонлар сафида Марко Асенсио иккита гол урди.
"Учрашувни яхши бошладик ва сўнгги ўйинга муносабат билдирдик. Аммо биз бу натижага лойиқ эмасдик.
Ўйин давом этар экан, биз ғалаба қозонаётгандик, рақибларимизнинг биринчи голига қараганда иккинчи голни уриш учун имкониятларимиз кўпроқ бўлди.
Бу лигада доим финал ҳуштагигача совуққон бўлиш керак", деди ўйиндан сўнг мутахассис.
