Миланнинг "Интер" клуби ҳужумчиси Лаутаро Мартинес А Серия доирасидаги "Женоа"га (1:0) қарши ўйиндан сўнг ўз фикрларини билдириб ўтди.
Италия чемпионатининг шанба кунги ўйинида "нерадзуррилар" сардори 78-дақиқада ягона голни урди.
"Ўтган ўйиндаги ("Ювентус"га қарши) мағлубият жуда оғриқли бўлди. Жамоамиз бутун диққатини жамлаган ва бирдамликни сақлаб қолиш қанчалик муҳимлигини тушунади. "Интер" манфаати учун бор кучимизни бераётганимизга мухлислар ҳеч қачон шубҳа қилмаса ҳам бўлади. Биз кўп очко йўқотдик, яхшиланишда давом этишимиз керак," - деди Мартинес.
