Milanning "Inter" klubi hujumchisi Lautaro Martines A Seriya doirasidagi "Jenoa"ga (1:0) qarshi o‘yindan so‘ng o‘z fikrlarini bildirib o‘tdi.
Italiya chempionatining shanba kungi o‘yinida "neradzurrilar" sardori 78-daqiqada yagona golni urdi.
"O‘tgan o‘yindagi ("Yuventus"ga qarshi) mag‘lubiyat juda og‘riqli bo‘ldi. Jamoamiz butun diqqatini jamlagan va birdamlikni saqlab qolish qanchalik muhimligini tushunadi. "Inter" manfaati uchun bor kuchimizni berayotganimizga muxlislar hech qachon shubha qilmasa ham bo‘ladi. Biz ko‘p ochko yo‘qotdik, yaxshilanishda davom etishimiz kerak," - dedi Martines.
