"Аталанта" етакчиларидан бири Адемола Лукман ёзги трансфер ойнасида клубини ўзгартириши мумкин, деб хабар беради Caught Offside.
Журналистларга маълум бўлишича, нигериялик ҳужумчи фаолиятини туманли Альбионда давом эттириш учун қизиқарли вариантларга эга. Лукман хизматига "Ливерпуль" ва Лондоннинг "Арсенал" клублари қизиқиш билдирмоқда.
"Аталанта" Адемолани 60-65 миллион еврога баҳоламоқда. Ҳужумчи Италия жамоасида 2022 йилдан буён тўп тепиб келмоқда.













