"Милан" вингери Рафаэл Леау фаолиятини Испания чемпионатида давом эттириши мумкин. Португалиялик футболчи Каталониянинг "Барселона" клуби трансфер шорт-листидан жой олган, дея хабар бермоқда Todofichajes портали журналистлари.
Манбага кўра, "кўк-анорранглилар" ажойиб мавсум ўтказаётган Рафиньяни сотиш ҳақида ўйламоқда. Каталонияликлар бразилиялик ярим ҳимоячини сотиб, катта пул ишлаб олиши мумкин. Леау унинг ўрнини Каталония гранди таркибида эгаллаши мумкин.
"Милан" эса португалиялик учун 80 миллион евродан бошланадиган таклифларни эшитишга тайёр. Леау жорий мавсум А Серияда 23 та учрашувда майдонга тушиб, бешта гол урди ва бешта голли узатмани амалга оширди.
