"Milan" vingeri Rafael Leau faoliyatini Ispaniya chempionatida davom ettirishi mumkin. Portugaliyalik futbolchi Kataloniyaning "Barselona" klubi transfer short-listidan joy olgan, deya xabar bermoqda Todofichajes portali jurnalistlari.
Manbaga ko‘ra, "ko‘k-anorranglilar" ajoyib mavsum o‘tkazayotgan Rafinyani sotish haqida o‘ylamoqda. Kataloniyaliklar braziliyalik yarim himoyachini sotib, katta pul ishlab olishi mumkin. Leau uning o‘rnini Kataloniya grandi tarkibida egallashi mumkin.
"Milan" esa portugaliyalik uchun 80 million yevrodan boshlanadigan takliflarni eshitishga tayyor. Leau joriy mavsum A Seriyada 23 ta uchrashuvda maydonga tushib, beshta gol urdi va beshta golli uzatmani amalga oshirdi.
