Янги мавсум олдидан Лига байроғи остида ўтадиган мусобақаларда ишловчи комиссарлар учун семинар ташкил этилди. Уни ФИФА ҳамда ОФК комиссари Кемел Токабаев олиб борди.

Семинарда учрашув ташкилотчилиги, беллашув олдидан, давомида ва ундан кейин юзага келадиган турли ҳолатлар, шунингдек, халқаро майдонда фаолият олиб бориш давомида комиссар иш фаолиятида юзага келган қизиқарли жиҳатлар муҳокама этилди.

Шунингдек, MyLeague платформасидаги янги ўзгаришлар ва қўшимча замонавий функциялар, учрашув бошланғич таркибларини ҳамда ўйин қайдномаларини тўлдиришдаги янгиликлардан комиссарлар бохабар этилди.