"Манчестер Сити" бош мураббийи Хосеп Гвардиола Эрлинг Холанд Премьер-лиганинг навбатдаги турида "Тоттенхэм"га қарши ўйинда майдонга тушиши мумкинми, деган саволга жавоб берди.
Хабарингиз бор, норвегиялик футболчи "шаҳарликлар"нинг сўнгги икки ўйинини ўтказиб юборди.
"Бугун кечқурун машғулотлардан сўнг билиб оламиз. Умид қиламанки, у ўйнайди, лекин ҳозирча аниқ билмаймиз. Холанд ўзини яхши ҳис қилмоқда, аммо кўрамиз," - деди Гвардиола сешанба кунги матбуот анжуманида.













