Ёзуа Киммих янги шартнома имзолаганидан кейин маоши оширилади.
Аввалроқ, 30 ёшли ярим ҳимоячи "Бавария" билан келишувни 2028 йилгача узайтиришга яқин экани ҳақида хабарлар тарқалган эди. Битим яқин кунларда тузилиши мумкин.
«Ran» хабарига кўра, футболчининг маоши йилига 19 млн евродан 22 млн еврога ошади. Киммих жамоанинг энг кўп маош олувчи футболчилари орасида учинчи ўринни эгаллайди - Харри Кейн ва Жамол Мусиала бир мавсумда 25 млн евро маош олади.
Ёзуа яна имзо бонусини олади, лекин у Альфонсо Дэвисникидек юқори бўлмайди - бу ёшдаги фарқ билан боғлиқ. Хабар қилинишича, канадалик футболчи шартномани узайтиргани учун 22 миллион евро миқдорида бир марталик тўлов олган.
