Испания терма жамоаси ва «Барселона»нинг собиқ футболчиси Андрес Иньеста ўзининг барча даврлардаги бешта севимли футболчисини маълум қилди.  

Sportskeeda хабарига кўра, «кўк-анорранглилар»нинг собиқ ярим ҳимоячиси Хосеп Гвардиола, Хави, Давид Силва, Санти Касорла ва Микаэль Лаудрупни танлаган.

Андрес Иньеста 1996 йилдан 2018 йилгача «Барселона» тизимида бўлиб, асосий жамоа сафида 674 та учрашув ўтказган, 57 та гол урган ва 136 та голли узатма амалга оширган. Шунингдек, у Япониянинг «Виссел Кобе» жамоасида ҳам тўп тепиб, 134 та ўйинда 26 та гол ва 25 та ассист қайд этган. Иньестанинг сўнгги клуби БААнинг «Эмирейтс» жамоаси бўлиб, у ерда 23 та ўйинда 5 та гол урган.  

Испания терма жамоаси таркибида Иньеста икки марта Европа чемпиони ва Жаҳон чемпиони бўлган.