"Челси" бош мураббийи Энцо Мареска ҳужумчи Кристофер Нкункунинг ўйини ҳақида фикр билдирди.
Француз сешанба куни Премьер-лигада "Саутгемптон"га қарши кечган ўйинда (4:0) гол уриб, голли узатмани амалга оширган ҳолда ўйин қаҳрамонларидан бирига айланди.
"Мен ундан мамнунман, лекин у бизга янада кўпроқ нарса бериши мумкинлигини биламан. Биз ундан кўпроқ нарса кутамиз. Шу билан бирга, биз уни тушунишимиз керак - у "тўққизлик" ёки вингер эмас, лекин бугун вингер позициясида ўйнади. Кристофер - ҳужумкор ярим ҳимоячи," - дея Маресканинг сўзларини келтиради журналист Фабрицио Романо.
