"Рома" "Милан" ярим ҳимоячиси Алексис Салемакерсни сотиб олмоқчи, дея хабар бермоқда инсайдер Николо Скира.
Манбага кўра, "Рома" Алексисни олиб қолмоқчи, аммо "россонерилар" январь ойида бу трансферни рад этиб, 20 млн евро сўраган.
Қайд этилишича, римликлар 25 ёшли бельгиялик вингер билан 2029 йилга қадар шартнома имзолаб, йилига 2,4 млн евро маош олишни режалаштирган.
Салемакерс мавсум охиригача Рим клуби шарафини ҳимоя қилади. Унинг "Милан" билан амалдаги шартномаси 2026 йилнинг ёзигача мўлжалланган.
Жорий мавсумда Алексис 22 та ўйинда майдонга тушиб, 5 та гол урди ва 3 та голли узатмани амалга оширди.
