Журналист Руди Галеттининг ёзишича, Тео Эрнандес ва "Милан" ўртасида янги шартнома бўйича музокаралар боши берк кўчага кириб қолган, "Манчестер Сити" эса чап қанот ҳимоячисининг ёзги трансферини кўриб чиқмоқда.
Январь ойида "россонерилар" Теони "Комо"га 50 миллион еврога сотишга тайёр эди, аммо ҳимоячининг ўзи бундай ўтишдан бош тортди. Энди "Милан" раҳбарияти нархни 35 миллион еврога туширишга тайёр - бу суммани "Ман Сити" мутлақо адолатли деб ҳисобламоқда.
"Ман Сити"дан ташқари, Эрнандес 2017-2019 йилларда тўп тепган "Реал" ҳам вазиятни диққат билан кузатиб бормоқда. Футболчи "Бернабеу"га қайтишни истисно қилмаяпти, бироқ Англияга кўчиб ўтиш вариантига ҳам қарши эмас.
Эслатиб ўтамиз, 27 ёшли француз бу мавсумда "Милан" сафида барча мусобақаларда 35 та ўйинда майдонга тушиб, 4 та гол урди ва 5 та голли узатмани амалга оширди.
